понедельник, 11 августа 2025 г.

წამშია ყველაფერი! –ანუ, სუროგატ ამომრჩეველთა მასიური მოვლინება...

 დასაწყისი –       კაშკაშა ფრინველი /სათავგადასავლო რომანი/

წამშია ყველაფერი!  –ანუ, სუროგატ ამომრჩეველთა მასიური მოვლინება...

 

ჩხრიალა მდინარის ნაპირთან, თითქოსდა, შემთხვევით შემორჩნილ კორომთან, მიწაში ჩაძირული ციხე–დარბაზის ნანგრევების მიმდებარედ, შეჩერებულ ავტოში ჩაძინებულ ანდრეს ესიზმრა, რომ იგი საკუთარ თავგადასავალს თხზავდა, ანუ, თავის მომავალის განჭვრეტას ლამობდა, მაგრამ შიშობდა, ამქვეყნიურში სასიცოცხლო დრო, აღარ დარჩენოდა და გააზრებას, ვერ მოასწრებდა... უცებ, ემოციებმა, ნაირფერ ღრუბლებივით გადაუქროლეს...

„ამას, რა დრო უნდა?! წამშია ყველაფერი!“ უნებლიე აღმოჩენა გააკეთა; ასტროლოგებთან _ ვარსკლავები, იდუმალი გზებით მიდი–მდიან; სინამდვილეში კი; წამშია ყველაფერი; ჩვენ კი, გამუდმებით პრობლემებთან ვრჩებით; არადა, წამშია ყველაფერი...

ახლა, როცა, ასე მჭიდროდ მივუახდოვდით, ათეული წლების წინათ, სრულ ფანტაზიად მიჩნეულ „ლდეგენდებს“, ისეთებს, რომლებიც, ნათლად მიგვანიშნებენ, რომ ადამიანის წარმოშობა, განვითარება და მომავალი, არცთუ უსაფუძვლოდაა ასახული „ციურ არსებებთან“, თანამედროვე, ხელოვნური ინტელექტის შერწყმა, ე.წ. „ჰომოსაპიენსთან“, ფანტმასმაგორიულ მოჩვენებად, აღარ მიგვაჩნია, რომ, ოდნავ, რეალურად, მაინც წარმოვიდგინოთ, გამოქვაბულიდან გამოსვლის გადაწყვეტილების აღძვრიდან და სუპერკომფორტულ გარემოში დამკვიდრებამდე, რა იჭვიანი გზა გვაქვს გავლილი; სახალისოდ, ერთ ლექსს გავიხსენებ: სათაურით –

დაუდგრომელი იჭვი… (გროტესკი)

წამიდან წამში,

იშვა და წარვიდა

საწყისი ვარსკლავი,

ცისა და მიწის…

ვერც ვერვინ იხილა,

ვერც ვერვინ აღიქვა,

მისი არსი და ხიბლი.

არადა მოასწრო,

ნათება ჩასახა,

უხილავ სამყაროს

მჩენი…

გვაქვს აქსიომა _

პირველსაწყისი,

უსახო, პაწაწა ბუშტი, _

აღეგზნო, იფეთქა,

ფერებად დაიფრქვა, _

არარამ წაუკრა ხელი.

აღიძრა აღქმებად,

სიცოცხლის საწყისად…

ატომი, უჯრედი, მუხტი…

ხორცნი შეისხა,

სამყაროდ შეიმოსა,

გენომს დაედო ფასი.

იხარა, იმაჭრა,

იტანჯა, დაღვინდა…

უსასრულოა მითი…

…თუ გაქვს აქსიომა _

პირველსაწყისი,

თუნდაც პაწუნა ბუშტი,

იქმენ ინსაით, აფეთქდი;

”ბახ!!!” ჰა, შეივსო ხედი…

…

_ემანაციას რა შეედრება,

ამბობს ნაცადი ბერი,_

ზღაპრებს შეეშვით

და ღმერთს მიენდეთ,

ამაოდ ლაყბობს ზოგი.

_ღმერთი ვინ შექმნა?!_

ისმის ქირქილი,

დაუდგრომელი იჭვის.

*

”ემანაცია

L. emanatio

1. რელიგიურ-ფილოსოფიური ტერმინი; აღნიშნავს ღვთაებრივი საწყისიდან სამყაროს მთელი მრავალფეროვნების გამოშლას, გამოსხივებას. ”

***

ამ ლექსის აღქმიდან, კარგა ხანი გახლდათ გასული, რომ ინტერნეტში ასტროფიზიკოსი ჰიუ როსი (Hugh Ross) სტატიას წავაწყდი; ბიბლიაში დაცული მეცნიერული ფაქტების შესახებ, სახელწოდებით, რას ამბობს ბიბლია დიდი აფეთქების შესახებ?“ , თვალის გადავლებისთანავე გავიაზრე, რომ ამ პიროვნებამ, ამ თემის შესახებ, ჩემზე მეტი იცოდა, მაგრამ, ამის გამო, ლექსის, იგავურ, გონებამახვილურ თუ შემცნებით ფასეულობაში, სულაც არ შემპარია ეჭვი, ავტორი, მასში დაჟინებით არაფერს ამტკიცებ, მხოლოდ ვარაუდებს გამოთქვამს, მტკიცებით კი ბევრი, მათ შორის მეცნიერებიც, ისეთ რამეებს ამტკიცებენ, რომელთა ლოგიკურობა, ადამიანური გონით შეუძლებელია;

ეს ყველფერი, იმიტომ დამჭირდა, რომ ერთხელ კიდევ, უპირველსად, საკუთრ თავს დავუსვა კითხვა, რომლზეც პასუხის გაცემა, კაცობრიობის ხვალინდელ დღეს, ბევრად უფრო მკაფიოდ განსაზღვრავს, ვიდრე იმის ქადილი თუ მომავალში, ბუნებრივი რესურსების, ახლებურად ათვისების წყალობით, რა მომგებიანად, ვუზრუნველველვყოფთ, ადამიანური ცხოვრების გაუმჯობესებას და, მოკლედ იმის გამხელა მინდოდა, რომ ამას წინათ ვნახე, სრულიად რეალური ხილვა; რომ ჩვენი მმართველი „ელიტები“, უმეტსწილად, ბუნებრივი წარმოშობისანი, არ არიან, მაგრამ, არც, მთლად ხელოვნურებად, შეგვიძლია  მივიჩნიოთ, რადგან, გამოქვაბულში შესვლამდე, ადამიანური წარმოშობის ორგანიზმების ტვინუკებით იკვებებოდნენ, რომლებიც, ძნელად ვითარდებოდნენ, და ასე მოხდა, მათში ჩადებული ხელონური უჯრედების მუტაცია... არფერს ვამტკიცებ, მხოლოდ მეცნიერულ ვარაუდს გამოვთქვამ...

უნდა გავიხსენო, ძირეული თემის წამაქეზებელი მცირე ეპიზოდი, ერთი რომანიდან, რომელიც ინტერნეტში, ავტორისგან, მიტოვებულ ბლოგზე, ხელოვნური ინტელექტის ჩანასახიდან ათეული წლების წინ გამოქვეყნდა; აი, მორიგი ამონარიდი –დედამიწისეული სიცოცხლის შესახებ, მრავალი უსაგნო კამათი გვესმის. მაგრამ, ერთი ბრიყვთათვისაც კი ნათელია, ჩვენი ყოფა დღეს, ბევრ რამეში ფანტასტიკურად განსხვავდება ასი წლის წინათ არსებული ”ცივილიზირებული ადამიანის” ყოფისგან. ასი წლის შემდეგ კი ნეოკაცობრიობა, ბევრად უფრო ფანტასტიკური აღმოჩენებისა და მიგნებების მოწმე გახდება.

...ასე რომ, ამ ენკიმ, დედამიწაზე ნიბირუელათა პირველი კოლონია დაარასა. და კოლონიას ნაბერიუსი ჩაუყენა სათავეში. იგი უკვე ყოველმხეივ განვითარებული მეცნიერი გახლდათ. ჰქონდა მამაცი მკვლევარის სახელი. ზუსტად მისი თაოსნობით გენურ ინჟინერიაზე დაყრდნობით მოხდა პირველი ჰომოსაპიენსების შექმნა. (შუმერულად ”ადამუ”), რომლებიც ოქროს მოპოვების მიზნით მხოლოდ მაღაროებში სამუშაოდ უნდა გამოეყენებინათ. მაგრამ ქმნილებებმა მოლოდინს ბევრად გადააჭარბეს, ”ჭაობიან ადგილებში” ადაპტირება შეძლეს და დედამიწის წიაღში ბევრად უკეთ გრძნობდნენ თავს, ვიდრე მათი შემქმნელები. მერე და მერე ევოლუციური ანატომიური ცვლილებებიც განიცადეს, ბევრ მათგანის სხეულში სული აენთო და ნიბირუელები უკვე იძულებულები იყვნენ მათთვის ანგარიში გაეწიათ. მერე და მერე კი, მათთან, სიყვარულის გაზიარებაც ზნედ ექცათ. თუმც, როგორც ბიბლიაშია მინიშნებული, თავად ბუმბერაზები იყვნენ...– ჰოდა, ეს სიყვარულის გაზიარება, ნეტა რა გზით ხდებოდა მეთქი? სათანადოდ, მხოლოდ ახლაღა დავფიქრდი... მათ, შექმნეს რაღაც ისეთი, რასაც „სულიც და ბიოქიმიური სხეულიც, რომელიც მხოლოდ, მნიშვლევანი ორგანოებით იყო აღჭურვილი; სასიყვარულო მოქმედებაში მოჰყავდა. ადრეც, ასე მძაფრ მიწიერი ხორციელებით, ასე ღრმად არ იყო ადამიანი დატვირთული, ჭაობიან გარემოში ადაპტირებამ, მერე და მერე შესძინა ადამიანს, ხორციელი დანამატები... თავდაპირელად იმაზე უნდა შევთანხმდეთ, რომ სამყაროში, მსგვსი, მნიშვნელოვანი, საციცხლო გარემოსთვის არსებითი ღვთის, განგების გარეშე ნამდვილად არ ხდება; რიგი საკითხები, რომლებიც, ხშირად ადამიანთა ვნებათაღელვით წამოჭრილ ენერგიებს მოჰყვება, კი ბატონო, სტიქიური მოვლენებით არის განპირობებული.

აქ, უპირვედესად,ისაა შესახსნებელი, ღმერთმა სამყარო შექმნა „არაფრისგან“, და ეს ბიბლიაში, მრავალჯერაა დამოწმებული, და ის რომ სხვაგვარი მსჯელობა, რაც ადამიანი გონის მიერ იქნება ნაცოდვილარი, განხილვას ექვემდებარება.

უნდა დავჯერდეთ იმას, რომ ბიბლიური ჩანაწერების მიხედვით, განგებამ სამყარო არაფრისგან ასახა, ანუ მყის შექმნა და მგონი არსებითი მნიშვნელობა არა აქვს იმას რომ იგი, წააგავდა „მდოგვის მარცვალს“

ხატოვნებისთვის, შეგვიძლია გავიხსენოთ: „ გაფინა ცა მსუბუქი ქსოვილივით და კარავივით გაშალა საცხოვრებლად (ესაია წინასწარმეტყველი 40:22)“

და მერე, სისტემის მოუწესრიგებლობის საზომდ მიჩნეულ ცნება ენტროპიაზეც შეგვიძლია, მრავალმნიშვნელოვნად ვისაუროთ; აქ, ძირეული, მაინც ერთია, საყარო, ღმერთის მიერ, „არაფრისგან“ არის შექმნილი და მერე ის, რომ უზენაესი, აგრძელებს შექმნილის „შესაქმეს“ სახეცვლილებსა თუ სრულყოფას. ჰოდა, ნურც, იმას გავიკვირვებთ, თუ თავის მიერ თავის სახედ და ხატად მიჩნეულ არსებას, გარკვეულწილად, ვთქვათ, მცდელობის ნიშნით „შესაქმის“ გარკვეული „უნარის“ დელეგირებაც არგუნა; ანუ,  ქმნადობაში გაწაფულნი, თავად ახორციელებენ თვისმაგვარის შექმნას და სამყაროს წიაღში ჩანექტრილ სულად ასახულ ენერგიის მოპოვებას, ანუ ბიორობოტულ სხეულში, „ანთების“ – გუმანის განვითარების – ტექნოლოგიურ პრცედურებითაც აღჭურავენ; რადგან მზამზარეულად, ბოძებულ, ამ ჯადოსნურ ენერგიას, მათი უმეტესობა, დაუდევრად ექცევა.

ყოველივე ამას, გონიერმა და გემოვნებიანმა მკითხელმა, შეუძლია, თავისებური ინტრეპეტაცია მისცეს, მით უფრო, ბუნებაში, ფუტკრის სახით გვაქვს, სქემატურად მოქმედი; მუშა პრცესი...  და თუ ფუტკარში, სული არ ენთება, ირონია, ნაადრევად, ნუ დაგვჯაბნის, რადგან, მერე რა ხდება, ნამდვილად არ ვიცით...

ბიორობოტულ ადამიანად ქმნილს, „სულის ანთების“ შანსის მოსაპოვებლად, ქვებიდანაც კი მოუწევს იდუმალი ენერგიბის გამოხმობა...

დანარჩენი, თქვენც წაიბოდიალეთ... ოღონდ, მთავარია გვახსოვდეს:

დაუდგრომელი იჭვი…

(გროტესკი)

წამიდან წამში,

იშვა და წარვიდა

საწყისი ვარსკლავი,

ცისა და მიწის…

***

და უცებ, მის ცნობიერებაში, თითქოს, სიცარიელიდან,  ქალის მღელვარე ხმა შემოიჭრა:

–SOS-SOS! იწყება, საზოგადოებისგან გასაიდუმლოებული ლაბორატორიებში სუროგატ ამომრჩეველთა ბიორობოტული ასლების მასიური წარმოება იწყება.. SOS-SOS!

ხმა მიწყდა, მაგრამ ანდრეს მეხსირებაში, ღრმა, ემოციური კვალი გაავლო და იგი შეფხიზლდა. იგრძნო, იმ ხმის პატრონზე, უკვე სხვაგვარად დარდობდა, მაგრამ მის აღმოსაჩენად, იმ უეცარი წამოლანდების გარდა, არავითარი რესურსი, არ გააჩნდა...

***

გაგრძელება  იქნება

 ჯანრი  გოგეშვილის რომანები

                                       ჯანრი გოგეშვილი თეთრი კედელი (რომანი) / Джанри Гог...

*

 © გახსოვდეთ!..
”საავტორო უფლება”

Автор: на Комментариев нет:
Подписаться на: Сообщения (Atom)